特首梁振英前日同兩隻愛犬老虎狗Speedy同雪橇狗Bond去西九龍海濱長廊嘅寵物區，畀網民捕獲。不過，網民就指CY嘅狗狗便便後，CY無好好咁處理狗糞，質疑佢係無公德心嘅狗主。
網民Charlotte喺facebook貼相，星期日下午3點幾，喺西九海濱長廊見到CY，但佢話CY隻狗狗大便後，狗主竟然將便溺「用樹葉之類物體推落樹底啲泥嗰度」，當時見到CY問助手拎嘢，以為佢會用袋執返大便啦，點知助手只係畀咗支水佢，就咁用水沖一沖石屎地，然後就走人。Charlotte直言如果係行山都無乜所謂，「但喺狗公園，好似唔太衛生喎！」
不過，Charlotte上載咗4張CY放狗相，但就未影到狗狗便便情形及「證物」相。
Charlotte呢個帖文引起唔少迴響，至今晚已有逾800個網民轉發，有人直言應該「叫佢（CY）食返」、「佢地位超然唔洗做呢啲嘢架」，亦有網民叫CY盡返狗主責任，直斥他無公德心。
Emily向特首辦查詢想求證事件，但就未獲回覆。
【強力證據】平機會：留意到有強力證據顯示包括新移民、尋求庇護者和尋求其他保障人士等不同群體受到居民身分歧視。旅遊業界亦對建議表示憂慮。報道： http://bit.ly/1VRdo77 (《我們的天空：同根生》劇照)【平機會促政府諮詢...Posted by 明報即時新聞 on 2016年3月29日