中央政策組首席顧問邵善波早前炮轟建制派不團結，「40幾人各自搞搞震」，又批評他們每月收10萬元薪金卻不「坐定定」出席立法會會議，不過行會成員、民建聯議員葉國謙認為「公道自在人心」，市民會給予「客觀中肯」結論。
葉國謙今早於DBC節目表示，建制派團結上一定有改善空間，但建制派來自不同政黨，有不同看法、立場及意見屬正常，「市民會畀一個客觀中肯結論」。
不過葉國謙指出，立法會會議不像以往由早上11時到晚上10時左右，「依家係連續3日……連續3日，仲有反對派日日時時刻刻點人數，簡單講即係要坐定定喺度，而泛民鬼影都唔見隻」。他認為，只有約40位建制議員，難以填補35個法定出席人數，「你諗下，喺呢3日裏面，建制派係咪需要全部坐喺度，可唔可以呢？」
葉國謙稱，建制派當然想「坐定定啦」，亦承認市民會有「疑惑」，但議員亦要與市民接觸，也有很多問題要討論。他續說：「客觀上面你諗下，由朝頭早坐到夜晚黑，我哋班老鬼都可能都捱得下，嗰班後生真係……」
葉國謙強調，建制派議員已付出好大努力，「如果要怪（建制派）議員，公道自在人心」。他續說，「對政府、對有益於香港市民嘅政策決策，建制派已經盡咗自己最大努力」。
【一封信惹的禍】還有多少人會被失蹤呢？報道：http://bit.ly/1XX1w26【傳媒人賈葭今晚獲釋 稱不方便透露受查細節】http://bit.ly/1pSHICy【「倒習信」延燒 BBC稱20人被拘】...Posted by 明報即時新聞 on Sunday, March 27, 2016