邵善波轟建制不團結「搞搞震」　李慧琼：建制是「競爭對手」非鐵板　黃國健促邵解釋 (13:59)

其他報道：再版抗戰書抽反共篇章 森記圖書老闆指「愈（校）對愈嬲」

譚允芝：捍衛法治要尊重法律 勿不利己就不尊重

《城市論壇》中午討論建制派關係等議題，其間主持提到邵善波批評建制派言論。李慧琼認為「應該要公道講」，強調建制派不是「鐵板一塊」，而是「競爭對手」，「有人諗住建制派鐵板一塊，呢個根本唔係事實架嘛，係咪？主持人你都好清楚架，我哋（建制派）喺共同議題上可以走在一起，都希望不同議題上多啲合作空間，但係從來都係實際競爭對手」。

問到邵善波以往沒像今次般批評建制派，李慧琼則說「可能你（主持）無留意啫」。

鍾國斌強調，建制派並非一個政黨，「認為40幾位都係同一樣嘅理念，同一樣嘅處理方法嘅話，嗰個叫建制黨啦，佢使咩我哋分黨分派。自由黨代表工商界，工聯會代表工人階級，理論上都行唔埋」。他反建議政府以後只容許一個政黨，即建制黨或反對黨，「咁我哋就可以全部收晒聲，佢自己一個發聲算數」。

黃國健則認為邵善波言論奇怪，促請邵善波出來解釋清楚，「唔係話可能飲醉酒，或者係講得high過頭啊，自high啊，噏咗出嚟就算數，因為呢個係對其他人造成損害」。