香港過去1年火頭多多，律師團體「法政匯思」喺援助佔中被捕者、版權條例草案爭議，以及三跑、一地兩檢等議題上，都不時出手協助。話咁快，去年1月成立嘅「法政匯思」已經1歲有多，今日幾位大狀律師走入「熱廚房」，搞下新意思，親自落廚煮兩味同傳媒茶敘。
平日「官仔骨骨」、有法政男神之稱嘅召集人梁允信（Wilson）更全程圍裙上身，自我介紹時笑言，自己專長係商業糾紛、司法覆核同「烹飪」。
召集人任建鋒（Kevin）一口咬定，無意參選立法會。佢認為，主流泛民應與本土派劃清界線，不過坦言諗法只屬泛民少數人。Kevin話，自己身邊不少中產朋友對本土派的厭惡程度，不亞於網民對主流泛民的攻擊，認為若泛民一味向本土靠攏，討好選民，只會「贏粒糖，輸間廠」。
不過咁講法，擺明同公民黨啱啱10周年主打嘅「本土、自主」宣言意見相左？雖然外界唔少人視「法政匯思」為公民黨第二梯隊，任建峰就笑言，同公民黨唔熟，又話連噚晚公民黨10周年晚宴，都無收到邀請喔。
掌握最新消息，請Like「明報即時新聞」fb專頁！http://www.facebook.com/mingpaoinews
【百分百好濕】啲衫晾極都唔乾，點算？報道： http://bit.ly/25aXTei【不忿有問題即歸咎教育制度 吳克儉：我係好唔順氣】http://bit.ly/1pSn8BK【出席中學校慶 座駕遭學生包圍 吳克儉稱遺憾】...由明報即時新聞貼上了 2016年3月19日
相關字詞﹕法政匯思 Emily Online