民建聯葉國謙獲特首委任擔任行政會議成員，接替辭任嘅黨友李慧琼，佢喺立法會回應傳媒提問嘅時候，社民連梁國雄（長毛）突然入鏡恭喜佢「標返份尾會」！
長毛笑笑口話葉國謙接任李慧琼做行會成員係「成功打敗達爾文，以老代新，恭喜晒」，又話佢真係「標返份尾會」，令「達爾文被宣判為錯誤」。
呢個場面當堂有Ｄ尷尬，葉國謙想講下長毛Ｄ頭髮，長毛笑應「今日未梳洗」。
到長毛講完準備離開果陣，葉國謙就話「OK？OK，多謝」。
另外，當記者用英文向葉國謙提問，葉就話：「我好少用英文回答，所以唔好意思」。
掌握最新消息，請Like「明報即時新聞」fb專頁！http://www.facebook.com/mingpaoinews
【建制人點睇】田北辰早上出席商台節目被問到怎麼看此事時說，不認為要辭職才能做到李慧琼想做的事，對於李的辭任理由，「我都要番去諗諗先」。詳情：http://bit.ly/1Vee46g【想選特首？李慧琼：諗得太多 否認怕政府低民望拖累立會...Posted by 明報即時新聞 on Wednesday, 16 March 2016