即時港聞

【emily online】洗頭艇業界撐標準工時? (17:39)

政府正就標準工時進行研究,今日立法會人力事務委員會研究標準工時相關事宜小組委員會開會聽取唔同團體就標準工時政策嘅制定方向發表意見。原來「洗頭艇」業界都好關心呢個問題,之前仲撰寫咗意見書為業界發聲,明言:「全力支持真標準工時」以及「不能認同以薪資或工種等界別適用範疇的方案」。但睇真啲,呢個會似係有人攞嚟開玩笑多啲!

洗頭艇呢個字,點解咁紅,皆因早前立法會議員吳亮星在立法會會上,提及李波事件時,曾引述話有人坐洗頭艇返內地去玩。

今次講標準工時,「委員長宋又新」以「香港洗頭艇從業人員總公會」之名發表意見書,撐標準工時嘅同時都講咗從業員嘅種種辛酸。意見書話,「香港洗頭艇業近60年來,日以繼夜夜以繼日為香港民眾提供不受拘束的娛樂體驗,以自己的方式擺脫都市的喧囂」,而且「為求旅人行程全程保持隱暱(匿),船員經常須在夜間陰暗的環境提供服務,時常須和怒海搏鬥」......講到似層層咁,Emily睇住立法會直播,總公會本來派「總水手安柏造」出席會議,仲諗住睇下佢點講,係咪真係有洗頭艇會,但點知開完會,都無呢個人現身。

 

掌握最新消息,請Like「明報即時新聞」fb專頁! http://www.facebook.com/mingpaoinews

【er......】雪糕店Honey Creme銅鑼灣店的facebook專頁發聲明,澄清Honey Creme香港所有分店不是民建聯陳鑑林或其子女所開,包唔包女婿呢?報道﹕http://bit.ly/22heU40其他即時新聞﹕【...

Posted by 明報偵查報道 on Monday, 14 March 2016

相關字詞﹕編輯推介 洗頭艇 標準工時

上 / 下一篇新聞