財政司長曾俊華今日晏晝擔任雷霆881《在晴朗的一天出發》舉辦嘅電視擂台主禮嘉賓，開場時仲有C AllStar演唱財爺喺早前財政預算案用嚟結尾嘅《憑着愛》。
財爺咁鍾意用歌詞寄意，主持人商台首席智囊陳志雲就叫佢用首歌鼓勵電視業界。財爺自爆同事提議佢用陳百祥「呀叻」首名曲《我至叻》，但佢又覺得麻麻，比較想用小鳳姐首《喜氣洋洋》，仲話首歌已經去到第7、8次創作。
今次論壇大談電視發展，財爺平時又有冇睇電視？財爺話NBA、英超同中超聯都有睇，每朝6至6點半都睇新聞。志雲大師就追問係乜新聞台，財爺就只肯答「有新聞個台」，惹得全場大笑。
掌握最新消息，請Like「明報即時新聞」fb專頁！ http://www.facebook.com/mingpaoinews
【雨傘紀錄片】「片名《未竟之路》意指未完成的路，路仍未竟，政治亦然，世代溝通亦然，人生亦然，而人生如同創作，儘管青澀，但絕不兒戲。」 全文：http://bit.ly/1RIQZDf安裕周記﹕問誰領風騷（文：安裕）...明報即時新聞さんの投稿 2016年3月14日
相關字詞﹕曾俊華