特首梁振英前日建議喺中環IFC起泳棚，等上班族食晏時可以游吓水，引來不夠時間的質疑，老闆級嘅田北辰今朝就喺fb出post，話自己親身上陣試過，發現係「趕得切」，結果又再被打工仔鬧離地，換來逾300個嬲，有人甚至反建議他去中環跳海。
群情洶湧下，田二少晚上再出post，表示聽到網民叫他跳海的建議，更指「有得諗」，不過佢講明自己游開泳池，「跳到落維港，風高浪急，真係驚驚地，要搵個游泳高手傍住先得喎」，他心中更早已有理想人選，「聞說CY（特首梁振英）游水好叻，個中環泳棚嘅建議又係佢提出，有佢陪我壯吓膽就好好多啦」。
未知田二少是否怕直接約CY隨時食檸檬，他在貼文特別邀請網民幫手游說一下，文尾仲特別標籤「#you_jump_i_jump」，真係唔知邊個係阿Jack，邊個係阿Rose喇。
掌握最新消息，請Like「明報即時新聞」fb專頁！ http://www.facebook.com/mingpaoinews
【食飽飯未呢？又係時候游個靚水喇】 //特首，最後想向你說一句，其實你也真的很可憐，我頗相信這篇「多舊魚」的網誌，應該不是出自你本人之手，應該是出自那位自詡「白官發言人」的專員之手吧。我們一直很感謝這位專員不斷自製笑話，再親自擔綱小丑角色，...Posted by 明報即時新聞 on Thursday, March 10, 2016
相關字詞﹕編輯推介 Emily Online