食晏游水得唔得？特首梁振英前日建議喺中環IFC起泳棚，等上班族食晏時可以游吓水，但就畀唔少網民質疑，食晏得嗰一個鐘，夠游水定夠食飯？老闆級嘅田北辰今朝就喺fb出post，話自己親身上陣試過，發現係「趕得切」架。
田二少喺fb出post「食晏去游水得唔得？阿田話你知！」佢話自己親身上陣，試下究竟一個鐘游水加食飯趕唔趕得切，結果發現其實趕得切，但女士要吹頭化妝就未必趕得切啦。
而原來食晏游水都有學問，田二少話食飽飯唔適宜游水，所以一定要游完水先食嘢。但游完水亦唔適合食太多，如果唔係就冇減肥效果，所以田二少提議大家食蕉、食生果，慳時間又健康咁話喎。
不過，網民似乎對田二少呢個「實驗」唔多受落，有人喺留言叫佢去中環跳海示範吓；亦有網民話，有心做就應該等立法會食晏嗰一個鐘去公眾泳池試吓，唔係去酒店或者私人泳池試；有網友就 田二少佢旗下嘅G2000員工做先，「不過佢地食生果餐由朝企到晚餓到腳軟，你會炒佢地，定係補返個tea比佢地？」另有網民好嬲咁話：「呢件事可以睇到你地根本無設身處地在我地一般打工仔立場思考過，睇完真心好嬲好憤怒」。
掌握最新消息，請Like「明報即時新聞」fb專頁！http://www.facebook.com/mingpaoinews
【手槍無眼】案發時事主正在開車，兒子則從後座拿起手機射穿司機椅背，再擊傷她。報道：http://bit.ly/1QNjWhj【心肌梗塞 黃安醫療專機凌晨抵台】http://bit.ly/1pykwsw【美支持擁槍靚媽遭4歲兒槍傷】...Posted by 明報即時新聞 on Wednesday, 9 March 2016