政務司長林鄭月娥今早出席港台《眾言堂》節目,同港大榮休教授周永新、嶺大經濟學系兼任教授何濼生、中大社會工作系助理教授碧華依同台討論退休保障。談及全民退保可持續性問題時,何濼生舉例指外國有引入「 automatic rebalancing mechanism(自動平衡機制)」解決問題,若未來經濟唔好就「cut錢」,或者遲啲先攞到,但擔心年輕一代會覺得唔公平。
原本主持想交波畀碧華依回應,不過好同意何教授觀點嘅林鄭司長就趁機補充,話每次減福利都會引發很大社會爭議,「喺外國經驗係引致暴動,所以唔要以為好容易做得到」。不過旁邊嘅碧華依就唔係多滿意咁講,林鄭唔應該成日攞希臘做例子,強調喺香港係唔適用嘅。佢又質疑點解政府有錢起大白象工程,但冇無辦法做好退休保障。
掌握最新消息,請Like「明報即時新聞」fb專頁!http://www.facebook.com/mingpaoinews
相關字詞﹕編輯推介