即時港聞

【Emily Online】方便攝影友 天文台推新專頁提供高空觀測資料 (17:36)

愈來愈多香港人鍾意帶埋相機去唔同嘅戶外地方拍攝,天文台有見及此,推出咗「戶外攝影天氣資訊網頁」試驗版,方便市民可以喺活動前check吓天氣、做足準備先出門口!

呢個網頁會特別提供高空觀測資料,以顯示大氣低層空氣溫度、露點溫度、風速及風向嘅垂直變化,有助辨別大氣層內係咪有較濕潤嘅空氣或逆溫層等,以評估雲、霜、霧或煙霞等出現嘅可能。網頁仲會展示一啲由市民拍攝有關雲或特殊天氣事件嘅精選照片,部分照片仲附有相關科學知識添。

此外,天文台同時亦喺「分區天氣」網頁加入大帽山和大老山自動氣象站實時氣溫資料,大帽山和大老山自動氣象站位處高地,分別喺海平面950米及570米以上,等市民可以知道高山上的天氣情況,提高警覺同適當準備。

香港著名山野攝影組合「流浪攝」話,拍攝香港郊野風光及捕捉有趣嘅天氣現象,先要了解天氣狀況,仲話大帽山和大老山的氣溫數據對於高山拍攝尤其重要。而資深風景攝影師田進福就話,特別係想拍攝雲海時,天文台最新天氣資訊就更加幫到手!

「戶外攝影天氣資訊網頁」網址:www.hko.gov.hk/out_photo/outdoor_photo_uc.htm

「分區天氣」網頁:

www.hko.gov.hk/wxinfo/ts/indexc.htm

掌握最新消息,請Like「明報即時新聞」fb專頁!http://www.facebook.com/mingpaoinews

【真.小店?】這些菜檔名梗有一個喺左近,想知佢哋係咪真係小商戶?報道:http://bit.ly/1UAjCrr【一人租多檔 食環街市多未設限】http://bit.ly/1UAkpsj【09年改《規劃準則》 政府少建街市】...

Posted by 明報即時新聞 on Wednesday, March 2, 2016

相關字詞﹕天文台 攝影

上 / 下一篇新聞