本土民主前線梁天琦在立法會新界東補選取得逾6萬票，他選後表示，香港政治版圖屬建制、泛民、本土派「三足鼎立」。民主黨主席劉慧卿今早出席DBC電台節目時表示不同意這說法，指總票數40多萬，「你6萬點會三分啫？」
對於建制、泛民、本土派三分天下的講法，劉慧卿表明不同意，「總共有幾多票投咗？40幾萬？咪係囉，咁你6萬點會三分啫，你識唔識計數呢大家？」
主持人又引述立法會議員黃毓民昨天稱未到三分天下之勢，除非本土派每區拿到15%選票，劉慧卿表示同意，「梗係啦，嗱，佢呢啲就有啲事實根據喇。即係你講，我都話嘴生喺你塊面，你講乜都得架，但係你要畀啲事實嚟證明吖嘛。咁果第日，睇民調啦，去到9月先至投票啊，睇民調證明你真係咁勁，去到真係投票，你又真係攞到，咁你咪分囉，或者你攞晒添呢，唔好三分咁謙呢，好無啊」。
另外關於鎅票問題，劉慧卿強調最尊重選民的決定，「有本事咪去選囉」，自言「從來冇講鎅票，鎅咩啫，票喺我(市民)手，我(市民)投畀邊個，關你乜事啫」。她說，若有人按制度能選入立法會，「咁咪祝香港好運囉」。她說，「有咁嘅選民就有咁嘅立法會議員」，沒什麼好罵的，既不會罵參選者，因為是合法參選，更不罵選民，「咁嘈咩啫」。
掌握最新消息，請Like「明報即時新聞」fb專頁！http://www.facebook.com/mingpaoinews
【自辯】//我雖然有做過呢啲行為，但有罪嘅唔係自食其力的小市民，而係打壓我哋嘅政府//報道：http://bit.ly/1UvFpk5【曾被維園阿伯罵 張達明助上訴得直：不因政見不同拒求助】http://bit.ly/1oL9mjB...Posted by 明報即時新聞 on 2016年2月29日