學民思潮前成員黎汶洛（Oscar）瞓身支持公民黨楊岳橋補選，早前拉票嘅時候總離不開幾個身位，其中一張被網民熱議嘅相片，就係楊岳橋同本土民主前線梁天琦拉票相遇時握手合照，Oscar就攝咗喺兩個主角中間，十足十球證咁！
呢張相片隨即激發網民無限創意，仲話佢好似早前被人話「攝石人」嘅歌星吳若希咁，做咗「政壇吳若希」。有網民更將早前吳若希被人話「攝位」而「成名」嘅相片──同Dodo姐鄭裕玲、容祖兒同張敬軒嘅合照入面嘅吳若希改成黎汶洛。
除此之外，仲有好多其他款式，噚日適逢美國一年一度奧斯卡頒獎禮，黎汶洛又咁啱叫Oscar，有網民就好抵死，將狄卡比奧噚日攞奧斯卡最佳男主角嘅相，男主角手上嘅小金人獎座變成「真．Oscar」樣！
掌握最新消息，請Like「明報即時新聞」fb專頁！ http://www.facebook.com/mingpaoinews
【人算不如天算】譚耀宗稱後來發覺黃成智既拿不下太多票，更可能拿走民建聯的票…… 報道：http://bit.ly/216oW5E【黃之鋒引楊岳橋言論駁劉慧卿：差天共地】http://bit.ly/1UvEyjn【劉慧卿：本民前物資「...Posted by 明報即時新聞 on Tuesday, March 1, 2016