1億元六合彩今晚攪珠，今晚9點15分截止投注，大批市民下午趕緊去到投注站落注，大家都希望博到一個發達機會！
Emily下午去咗馬會紀錄入面「最幸運」、中得最多次頭獎嘅中環士丹利街投注站睇睇，點知投注站未見，先見一條長長嘅人龍，真係唔係親身去到都唔信，龍尾轉埋德己立街去到威靈頓街近鏞記餐廳對面，街上仲擺咗伸縮欄杆同有紙仔寫住「買六合彩沿欄杆內邊排隊」。現場所見秩序良好，為咗一個「機會」，睇嚟大家都展現出無比耐心。Emily都喺度祝大家心想事成啦！
根據馬會網頁截至2015年12月31日嘅資料，十大最幸運中頭獎投注站分別係中環士丹利街（42次）、荃灣青山道（35次）、屯門市廣場（23次）、上環干諾道西（21次）、觀塘廣場（34次）、尖沙嘴漢口道（33次）、沙田好運中心（33次）、大埔廣場（30次）、上水石湖墟（30次）同九龍灣德福（30次）。
今次慶祝六合彩40周年嘅金多寶今晚9點半就會攪珠，馬會為咗隆重其事，攪珠會加長至10分鐘，仲搵嚟差不多已成為六合彩圖騰嘅前主持人夏春秋「冬叔」出山，聯同4名現任主持蔡運華、吳珮如、范文雅及陳思琦出任嘉賓主持，一齊見證紀念時刻。
掌握最新消息，請Like「明報即時新聞」fb專頁！http://www.facebook.com/mingpaoinews
【未中先開心】從未覺得英文如此重要過！報道：http://bit.ly/1Lsf5Fr【南昌邨走廊鞋盒留言「內有炸彈」 警引爆證虛驚】http://bit.ly/1XWChxe【疑引擎故障 九巴自焚「火燒後欄」】...Posted by 明報即時新聞 on Monday, February 29, 2016