改名好重要？公民黨主席余若薇下午喺記者會回應黨員楊岳橋贏咗立法會新界東補選，期間提到「唔知係咪（楊岳橋）有個『橋』字，善於溝通」。
事緣有記者問公民黨會唔會同本土或傘後組織溝通，余若薇就舉例點票期間，7號嘅楊岳橋同6號嘅本土民主前線梁天琦坐隔籬，當時楊岳橋諗住同支持者講嘢，點知「隔籬隊支持者」要蓋過佢聲音，楊岳橋支持者亦都躁動，但係佢即時叫支持者冷靜，一句說話就減少咗無謂爭拗。
余若薇笑言，唔知楊岳橋係咪因為有個「橋」字，善於溝通。
余若薇之後話，會盡最大努力溝通，但強調溝通係「雙方面」，如果對方唔溝通，就要等選民選擇。
而作為主角嘅楊岳橋，對於入咗議會之後嘅工作，佢就話會就版權修訂條例草案同埋高鐵撥款呢啲議題參與其他民主派嘅抗衡工作，強調冇打算突顯自己一個，而係希望成為民主派力量嘅一部分。
掌握最新消息，請Like「明報即時新聞」fb專頁！ http://www.facebook.com/mingpaoinews
【讀出古韻】用廣東話讀唐宋詩詞，比起普通話，來得原汁原味，是不爭事實。報道：http://bit.ly/1Sbi06T其他港聞：【周浩鼎承認本土勢力得到支持 指特首與市民建互信不足】http://bit.ly/21Cw2B8【劉志成...Posted by 明報即時新聞 on Sunday, February 28, 2016