港大校委會前晚開會，其間校委紀文鳳質疑，點解另一校委張祺忠成日帶住個鋼保溫壺，仲問佢係咪竊聽裝置。田少今日就發功抽水，喺Facebook上載拎住保溫壺嘅相，唔少網民話維港都俾佢抽乾呀。
紀文鳳質疑張祺忠手上保溫壺係竊聽器一事，唔少網民紛紛抽水，話以為睇緊電影《國產凌凌漆》。田少今日發功抽埋一份，喺FB上載一張拎住保溫壺嘅相，「『港產凌凌田』話你知：呢個壼表面上係一個竊聽器，事實上係一個保溫壺。問你死未？」
個Post出咗一個鐘就已經超過2300 likes，有網民笑指「呢個唔係偷聽器，落喺你手中係抽濕機就真」、「呢位田少表面上係一個政治人，事實上係一部人形抽濕機」。
張祺忠噚晚深夜喺FB post咗張保溫壺嘅相，話校委開會時有人問佢，點解次次都帶住個鋼保溫壺，問佢係咪竊聽裝置。其後馮敬恩share咗張相，話發問者係紀文鳳，又喺商台節目話佢問得好認真，「仲叫張祺忠博士倒出來係咪真嘅茶」。紀文鳳其後回應，話之前校委交出手機後有會議發言錄音外泄，所以提出合理查詢。
掌握最新消息，請Like「明報即時新聞」fb專頁！ http://www.facebook.com/mingpaoinews
【民間智慧】選/不選？做/不做？周太認為，都不是曾俊華個人的意志可以決定。報道：http://bit.ly/1VFMOvk【不怕被指本土分離主義？曾俊華：有本土情懷是當然事】http://bit.ly/1WK76nE【聽眾指地理環境...Posted by 明報即時新聞 on Wednesday, 24 February 2016
相關字詞﹕港大校委 編輯推介 Emily Online