財政司長曾俊華發表新一份《財政預算案》，雖然唔少網民都話財爺把聲「入耳率100%」，不過，唔知喺現場聽財爺讀預算案嘅官員同議員又係唔係咁諗呢？等《明報》攝影記者帶大家去立法會直擊，現場官員同議員聽預算案嘅眾生相。
之前施政報告都會有議員起身示威，不過今次就相對比較和平，都係開始嗰陣人民力量嘅陳偉業拎住塊牌，行左兩行已經坐返低，安靜咁聽財爺發表預算案。
之前一啲大會都有議員同官員畀人影到「閉目休息」嘅相，今日民建聯蔣麗芸議員就被影到挨住椅背、閉目養神嘅相，望落都幾舒適，經民聯盧偉國、行政會議召集人林煥光同新民黨立法會議員田北辰都畀人影到疑似瞓覺相；其他官員例如政務司長林鄭月娥、財經事務及庫務局長陳家強都有時用手托面，聆聽財爺讀報告。
財爺喺報告入面提到，特登申請咗facebook聆聽更多喺傳統媒體聽唔到嘅聲音，佢今朝喺宣讀財政預算案前，都出咗2次post同網友互動，話自己已經準備好，又問大家「R u ready?」，啲post都有千幾二千個likes架。
掌握最新消息，請Like「明報即時新聞」fb專頁！ http://www.facebook.com/mingpaoinews
【一分鐘睇預算案重點】啲措施啱唔啱心水？http://bit.ly/20UeldY【預算案】曾俊華結語：港充滿矛盾令人感窒息和無力解決香港問題不可假手於人http://bit.ly/1Ty76rJ【預算案】曾俊華：不應只追求旅客人數...Posted by 明報即時新聞 on Tuesday, 23 February 2016