立法會財委會下午繼續審議港鐵高鐵香港段工程近200億元追加撥款，民建聯葉國謙強調，建制派並非「乜嘢都支持」，又說對社民連梁國雄「樣樣都係反對政府」感到可恥。
葉國謙發言時，點名批評公民黨陳家洛說話「不顧事實」、「無中生有」、歪理、以及不斷說現在建制派「乜嘢都支持」等，「呢啲咁樣嘅說話，大家都可以睇到，依家我哋（建制派）係咪，合埋隻眼，就係要投票，就係要支持呢？」
此言一出，相信是人民力量陳偉業於座位大聲附和「就係囉（建制派乜嘢都支持）」，梁國雄則笑言：「擘大隻眼都得嘅。」
不過葉國謙不滿梁國雄插嘴，斥責：「梁國雄仲可以咁講，你話羞唔羞愧？我就為你而羞愧啊，感覺到你呢啲可恥啊！可恥喺邊度啊？樣樣都係反對政府，反對香港『好嘅建設』。」
葉國謙強調，建制派議員會批評政府不足，並要求政府交代，「我哋係有咁樣要求」。他又強調，高鐵不是「大白象」工程，而是重要工程，批評現時反對派不斷用「拉布」方式阻撓，影響香港經濟發展，他對此表達強烈憤慨。
隨後發言的公民黨郭家麒則說：「最可恥當然係民建聯，特別係葉國謙。」他解釋，要不是當年通過興建高鐵，現時便不用「超支又超支」，又指摘對方幫政府助紂為虐。
掌握最新消息，請Like「明報即時新聞」fb專頁！ http://www.facebook.com/mingpaoinews
【又凍過？】唔考慮其他因素，小編係好鍾意咁凍的，哈哈哈！http://bit.ly/24gG64S【田北辰再抱孫 讚孫女財會審高鐵前出世「時間配合得天衣無縫」】http://bit.ly/1otVhqA【無綫動畫配音字幕「我們一向都...Posted by 明報即時新聞 on Saturday, February 20, 2016