民建聯周浩鼎於facebook上載自家製短片批評旺角警民大衝突是「暴力歪風教壞細路」，結果惹來網民「洗版」。
事緣周浩鼎在情人節（14日）晚上上載長約2分鐘短片，模擬一家大小看到衝突畫面的反應。片段中，爸爸看衝突畫面時狀甚興奮，兒子則在旁不斷「掟玩具」和用玩具車撞家中的欄；母親阻止兒子時，兒子反問：「點解唔掟得？電視裏啲哥哥姐姐都掟。」
周浩鼎之後以「買玩具」作例向該小朋友解釋，「如果你有嘢想同爸爸商量，咁就要慢慢同爸爸傾，例如買玩具，幾時買、買啲咩玩具、屋企有無錢買，唔可以一味靠衝，一味掟嘢，一味靠上陣，要逼人哋買畀你，咁係唔啱架」。
片段上載到facebook後，有網民留言支持周浩鼎，但亦有不少網民批評周浩鼎做法，形容是「關公災難」，「 除咗暴力，我覺得誠信同廉恥更為重要」、「1967年果陣啲人教壞晒，上一代廢中教壞下一代」、「你有冇問個仔掉野背後有咩原因呀，佢阿爸有冇逼到佢別無選擇呀」、「你話可以慢慢溝通，你覺得政府真係願意同市民溝通」、「連自己個仔囡都要洗埋腦呀」。
也有網民以周浩鼎參與立法會新界東補選口號「珍惜香港，行正路」作例，指「政府帶頭不行正路，點叫香港人行正路？」
新東補選候選人除了周浩鼎，還有本土民主前線梁天琦、公民黨楊岳橋、新思維黃成智、獨立方國珊、獨立梁思豪及無黨派劉志成。
掌握最新消息，請Like「明報即時新聞」fb專頁！ http://www.facebook.com/mingpaoinews
【異同】鄭耀棠指旺角衝突旨在推翻現在政權，而「六七」時是不認同當時政府，「因為係殖民統治，根本本質上不同」。報道：http://bit.ly/1LxXQxc【鄭耀棠否認管治有問題：人哋未上台就叫落台，係咪管治問題啊？】...Posted by 明報即時新聞 on Friday, February 19, 2016