立法會新界東補選候選人之一、民建聯周浩鼎本身係東涌南區議員，所以一路都畀人質疑佢唔了解新東地區情況。佢今朝喺港台選舉論壇上，被問到新界東聯網「有邊幾間醫院」時，回咗一句「可以同大家一齊google下」。
喺助選團詢問環節期間，有其他候選人嘅助選團質詢周浩鼎「新界東聯網有幾多間醫院？」周浩鼎冇直接回應，但就彈出一句「我可以同大家一齊查問下呢個問題，一齊google下都得，如果我唔知，我願意同我團隊成員一齊去做，但地區事務我強調係一個團隊一齊去做」。身為新東居民嘅Emily一聽，都O咗嘴，但都佩服佢冇答案都答得咁淡定嘅。
話說另一候選人方國珊發言時就批評周浩鼎唔熟新東地區情況，仲話「你有冇去錯地方？作為東涌區議員嚟新界東？」又話「如果你要處理，應該返去北大嶼山跟進前線醫療人員人手同增加配套問題」。
除左周浩鼎同方國珊，新界東立法會補選候選人仲包括劉志成、黃成智、梁思豪、梁天琦、楊岳橋。全部7人都有出席今朝呢場論壇。
掌握最新消息，請Like「明報即時新聞」fb專頁！http://www.facebook.com/mingpaoinew
【寸步不讓】選舉論壇火花四濺、捉對廝殺，詳見：http://bit.ly/1PJqAXB【周浩鼎楊岳橋針鋒相對 周：公民黨偽善 楊：民建聯次次都擦鞋幫政府】http://bit.ly/1mL6cuX【港大學生會新會長孫曉嵐：行動底線...Posted by 明報即時新聞 on Thursday, February 18, 2016
相關字詞﹕新界東補選