雙料議員梁美芬被指曾經「建議刪除」九龍城區議會獨有嘅議員出席會議最少45分鐘先被視為有出席嘅常規規定，結果引來批評，雖然梁美芬事後話當日只係建議討論，並無建議刪除，但話題仍未平息，藝人鄭中基今早亦湊熱鬧，喺facebook留言話：「如果露一露面都算出席？咁喺你面前揚下啲錢係咪算出咗糧先？」引起網友激烈討論。
有網友留言：「典諗解（點解）我明明最後一分鐘趕到課室，阿蛇（阿sir）都會唔計我有返學架？」、「不如暴龍哥開演唱會，露一露面就返後台，錢照袋」、「打工仔露一露面便算返左（咗）工」、「亞視咪就係咁囉，所以佢哋照返工」；也有人指「咁又對佢好唔公平嘅，老鼠不嬲都係嗱嗱聲走過架啦，你幾時見過有老鼠會企定定9個字吖？」
九龍城區議會規定，議員須出席會議至少45分鐘或一半時間，先當出席。梁美芬上個月初喺區議會會議中提出檢視呢項規定，認為有啲議員喺前半小時「已問嘢」或「問重要嘅嘢」，會議紀錄中都會紀錄，但唯獨出席欄冇名，覺得「好怪」，而且其他區議會都冇類似慣例。梁美芬噚日就同Emily講，話自己只係提岀檢視點解各區議事規則唔同，並冇要求取消嗰條條例，又表明自己係反對修改規則嘅。
掌握最新消息，請Like「明報即時新聞」fb專頁！ http://www.facebook.com/mingpaoinews
【爭取平權】這是日本第一間跨國企業公開承認同性戀關係，預料將衝擊其他企業的取態。報道：http://bit.ly/1STAcDf【土耳其首都炸彈襲軍車28死61傷】http://bit.ly/1Krng4F【瑞典首都土耳其文化協會爆...Posted by 明報即時新聞 on Wednesday, 17 February 2016
相關字詞﹕編輯推介 emily online 網上話題