《十年》自開畫以來連場爆滿，日前電影正式全線落畫，唔少人大感可惜，錯過咗上映時間。唔知係咪喺立法會忙著拉布，人民力量陳偉業自爆其實自己一直未得閒睇，於是今晚七點半喺新世界廣場戲院包場，搞咗一場放映會，俾大家回味下。在場除咗有人力支持者同一眾街坊外，今次仲有幾位重量級嘉賓，包括自由黨創黨主席李鵬飛，同埋兩位前全國政協委員田北俊、「Dream Bear」劉夢熊。
唔好睇田少平時緊貼Facebook最新潮流，原來大嚿有一日撞到田少先知，原來對方都未睇過呢套大熱電影《十年》，所以順勢邀請埋對方。Emily都好感興趣，田少睇完後，會唔會咩高見會喺Facebook分享下？
大嚿又透露，包場只需要萬幾蚊，但可惜因放映會同導演撞咗時間，無機會邀請對方到場分享。
掌握最新消息，請Like「明報即時新聞」fb專頁！ http://www.facebook.com/mingpaoinews
【今時不同往日】講歷史傷感情……短片+報道：http://bit.ly/1Kmtp23【短片：鍾樹根斥反對派議員「埋沒良心」 指市民不放心法官領導獨立委員會】http://bit.ly/1LqUa0b【黃國健指各行業工人支持「六七反英...Posted by 明報即時新聞 on Monday, February 15, 2016