工聯會立法會議員黃國健回應旺角警民大衝突時反問：「係咪暴力就可以解決問題呢？」
立法會保安事務委員會召開特別會議討論旺角衝突。獨立黃毓民會上直指：「任何人都有權譴責暴力，唯一係工聯會無資格。1967年殺死十幾個警察，殺死十幾個平民，邊個做架？有咩資格譴責暴力啊？不知羞恥！」
不過黃國健發言時表示，「旺角暴動」與「六七暴動」是兩回事，因為當年社會有大量、各行各業工人罷工支持「六七反英抗暴」，反問「今次有無市民支持呢？」他又批評很多議員為暴力辯解，「搬出乜嘢六七暴動攞嚟比較，搬一個接近50年前嘅事件為今次暴亂轉移視線，蒼白無力」。
至於有意見認為今次事件因政府管治問題「官逼民反」，黃國健質疑：「係咪暴亂就可以改變依家嘅政治狀態？係咪暴力就可以改變依家現政府管治呢？係咪暴力就可以解決問題呢？」
黃國健提到，他當晚看到電視畫面時，已認為是「暴亂」，「我太太可以做證，我早過（特首）梁振英話呢場係暴亂」，重申整個社會應有好清晰信息說「不會接受這種暴力」。
掌握最新消息，請Like「明報即時新聞」fb專頁！ http://www.facebook.com/mingpaoinews
【與時並進？】陳述歷史，到底還有沒有客觀標準？報道：http://bit.ly/1Woxa7E【黎棟國：絕不認同以不滿施政淡化暴力】http://bit.ly/1oFsOOX【拒設獨立委員會 梁振英：警會向法院舉證】...Posted by 明報即時新聞 on Monday, February 15, 2016