旺角警民大衝突引起社會關注，民建聯周浩鼎拍攝短片，模擬一家大小看到衝突畫面的反應，批評「暴力歪風教壞細路」。
短片長約2分鐘，片中周浩鼎到朋友家拜年，剛好遇上電視直播衝擊畫面，便幾個人便「排排坐」觀看。
片中爸爸似乎感到興奮，指「又有人衝鐵馬喇，唔知今次成唔成功呢？係喇啱喇，掟嘢過去啦，有咁多掟咁多。一齊衝鐵馬啊嘛，一個人邊有用架，擸架罉一齊衝過去啦」，其兒子則在旁不斷「掟玩具」和用玩具車撞家中的欄。母親隨即阻止兒子，但兒子反問「點解唔掟得？電視裏啲哥哥姐姐都掟」。
周浩鼎以「買玩具」作例向該小朋友解釋，「如果你有嘢想同爸爸商量，咁就要慢慢同爸爸傾，例如買玩具，幾時買、買啲咩玩具、屋企有無錢買，唔可以一味靠衝，一味掟嘢，一味靠上陣，要逼人哋買畀你，咁係唔啱架」。
爸爸之後問兒子是否明白周浩鼎所說，兒子則稱：「明白晒喇！」
新東補選候選人除了周浩鼎，還有本土民主前線的梁天琦、公民黨楊岳橋、新思維黃成智、獨立方國珊、獨立梁思豪及無黨派劉志成。
掌握最新消息，請Like「明報即時新聞」fb專頁！ http://www.facebook.com/mingpaoinews
【你buy唔buy？】問到會否像黃毓民一樣在議會內「掟玻璃杯」，梁天琦說未必會做同一事情，但「會做更加多」以阻止不公義議案通過，例同搶佔主席枱不讓議案表決等......報道﹕http://bit.ly/1ThZCZD【李少光盼警購水炮車...Posted by Mingpao Investigative Team on Sunday, 14 February 2016