亞視仲未肯出糧,搞到大批員工離職,連營運總裁都走埋,相信大家都好關注亞視呢幾日會唔會執笠。其實唔單止一眾讀者,連政府都非常關注,搞到負責嘅商務及經濟發展局長蘇錦樑(Greg)都要延遲離港。
唔好以為Greg趁新年就唔理世事去遊埠,其實佢係去加拿大外訪,重頭戲係會同當地政府簽署投資促進及保護協定,原定聽朝(7日)一早出發,年初七返香港。
Emily聽聞,雖然亞視亂到咁,其實政府都無得控制或處理,但Greg都擔心亞視呢兩日會有最新發展,無理由咁大件事都走咗去,但外訪亦唔可以唔去,考慮後決定延遲兩日,即係年初二(9日)先出發,部分行程就要取消。
掌握最新消息,請Like「明報即時新聞」fb專頁!http://www.facebook.com/mingpaoinews