維園年宵今日正式開鑼，民主黨都有喺維園攤檔。身兼作家嘅元朗區議員鄺俊宇都有喺民主黨攤檔幫忙寫揮春。不過，他嘅揮春比較特別，唔係寫，而係「畫」。
鄺俊宇同Emily講唔太識寫大字，唯有以畫卡通人像代替。佢會就住市民的樣貌，畫出卡通人像，仲會喺卡通兩邊加上「鄺俊宇體」句式嘅祝福語，例如「有種幸福叫加油」、「數到三就加人工」，同佢所寫嘅書嘅書名《有種幸福叫忘記》、《數到三就放手》果然互相呼應，難怪攤檔特別受女生的歡迎。
掌握最新消息，請Like「明報即時新聞」fb專頁！ http://www.facebook.com/mingpaoinews