工務小組下午繼續審議港鐵高鐵香港段工程近200億元追加撥款，現場火藥味濃。
民建聯議員譚耀宗發言時，批評泛民議員肆意發言及攻擊主席，發言「重複又重複」，「拖到個會有咁長得咁長，成日話有問題，其實個問題呢傾咗咁多次，我聽足咁多次，成日講嚟講去就咩『一地兩檢』，一地兩檢呢個問題政府已經講咗好多次……好多次……」
人民力量議員陳偉業隨即插嘴反駁，惹來譚耀宗拍枱責罵「依家我講緊嘢，你唔好出聲，依家唔係你發言嘅時候」。他續說：「我從來都無咁勞氣嘅，我就係見到呢啲咁嘅人，阻住個社會，影響到我哋經濟，同市民為敵，一日到黑講埋晒嗰啲嘢，以為自己係專家！」
陳偉業此時離開會議廳，並向坐在門口旁邊的民建聯議員鍾樹根說：「你擔保唔會撞死人啊？」譚耀宗即怒說：「乜嘢都會死人架，食飯都會死啊，你唔好食飯！」
譚耀宗之後稱，他落區擺街站時，有人叫他們對泛民議員「惡啲」，但他指：「我哋唔係爛仔，我哋唔係惡人嚟嘅，我哋係講道理嘅人，希望佢哋真真正正為港人利益。」
掌握最新消息，請Like「明報即時新聞」fb專頁！ http://www.facebook.com/mingpaoinews
【人間有情·大埔有愛～】好消息：狗狗已經搵返主人了！詳情：http://bit.ly/1JUNiNm【大學生自發避寒中心送暖派物資派粥 粥店職員掏腰包支持】http://bit.ly/1JUNo7O【Formula E門票三級制 最...Posted by 明報即時新聞 on Tuesday, February 2, 2016