猴年將至,維園年宵正式開鑼,唔少政黨都有開檔賣年宵產品籌款,尤其今年係立法會選舉年,各大政黨都特別賣力。社民連攤檔中,就有唔少惡搞梁振英(CY)嘅產品,社民連梁國雄大嗌「窮到窿」,希望市民多多支持,指暑假就會有回報。
「煙民」梁國雄介紹主打產品,以CY為圖像的煙灰缸,寓意吸煙同CY一樣危害健康。長毛又即場提出希望市民同佢對對聯,指上聯係「一二三七五」,睇下有無人估到下聯。
公民黨則以「真·香港人」為主題,大賣印有「香港人」布袋、筆記簿等。主席余若薇(Audrey)話,今年香港講本土,希望市民珍惜香港價值。寫得一手靚字嘅佢又繼續坐鎮,寫揮春贈墨寶。
Audrey話,去年最多人要求寫「我要真普選」,今年則是「香港加油」,呢個「揮春指數」反映唔少市民心中都擔心香港變質。
早前有傳媒發現,原來Audrey同港大校委會主席李國章竟有親戚關係,被問到佢哋新年拜年會否相遇,Audrey就話未必,除非家族有好大場合,例如紅白事,先會有機會碰面。
不過Emily相信,即使見咗面,都無兩句好講啦。
掌握最新消息,請Like「明報即時新聞」fb專頁! http://www.facebook.com/mingpaoinews
相關字詞﹕Emily Online 迎新春 年宵 社民連 公民黨