【財經事務委員會流會】經民聯自由黨民主黨全缺席　單仲偕：第一次架啫 (13:28)

出席議員：

主席吳亮星、新民黨葉劉淑儀、民建聯陳鑑林、會計界梁繼昌、社民連梁國雄

缺席議員：

經民聯張華峰、梁君彥、林健鋒、石禮謙；自由黨田北俊、方剛；民建聯李慧琼、黃定光；保險界陳健波；民主黨何俊仁、涂謹申、單仲偕；工黨李卓人；公民黨郭榮鏗及資訊科技界莫乃光。

對於經民聯全員缺席，本身是該黨副主席的張華峰向《明報》解釋，他當時聯同梁君彥、林健鋒及石禮謙在中環香港會與證監會主席商討與業界有關的條例，「傾傾下，一睇（時間），啊，死喇，夠鐘喇，即刻call司機都趕唔切啦」。他對此表示「唔好意思」。

黃定光則說，由於塞車所以遲到，「今朝早啲交通好唔掂。荃灣返來（立法會）成9個字，塞到阿媽都唔認得」，但強調這不能成為推塘責任理由，「流咗會都要負責任」。至於會否致歉，他稱「呢個肯定要，作為議員責任，平時點勤力，一次流會都應該自己問責」。

單仲偕形容，他今次是「第一次瀨嘢」，「4年裏面第一次架啫，唔計立法會拉布嗰啲啊，第一次架啫」。他續說，「遲到當然唔好，有些遺憾」，但再強調今次是他「第一次（瀨嘢）」。

何俊仁則表示，他當時正處理法律文件，「係遲（到），點知聽到話流（會）喇。估唔到會流（會），呢啲會唔會流架通常。唉，都無辦法喇」。

莫乃光亦說因交通延誤遲到，向公眾致歉，期望日後不會再出現同樣情況。

田北俊、李慧琼、陳健波、涂謹申、李卓人及郭榮鏗暫未回覆《明報》查詢，方剛則稱事前已向秘書處請假。

掌握最新消息，請Like「明報即時新聞」fb專頁！ http://www.facebook.com/mingpaoinews