港台節目《城市論壇》不時出現台上台下都爭論嘅情況，今日討論拉布，人民力量立法會議員陳志全（慢必）做嘉賓，人力亦有大批支持者到場，節目原本都算秩序良好，但有保衛香港運動嘅成員，拎起咪發言時，突然呼籲大家9月選舉時要踢走「基佬全」，又狠批泛民「明張目膽唔開會」，明顯人身攻擊慢必嘅性取向，搞到台下即時大亂。
主持蘇敬恆其實都執得好嚴，台下觀眾一講「賤格」、「民建聯最無恥」呢啲說話，佢都會即時喝止，強調節目唔接受任何人身攻擊嘅說話。保衛香港運動成員發言，原本都係表達反拉布，但最後一句「基佬全」，就令在場人力支持者起哄，雙方更喺台下互相掟嘢，令台上講者發言都有少少受到干擾。
做過立法局主席嘅嘉賓黃宏發睇唔過眼，教育蘇敬恆應要主持好論壇，仲提議佢企起身控制秩序，最終喺廣告時段，蘇敬恆嚴正警告在場觀眾唔可以再掟嘢同人身政擊，否則立即趕人離場，先令眾人稍為靜少少
掌握最新消息，請Like「明報即時新聞」fb專頁！http://www.facebook.com/mingpaoinews
【網上流傳】利申，圖中的馬賽克並非小編加工......報道： http://bit.ly/1NIZBac【男童被留幼稚園3年 「想回家過年」】http://bit.ly/1NIZHP2【每逢佳節被逼婚？】內地調查逾七成人遭父母逼婚...Posted by 明報即時新聞 on Sunday, January 31, 2016
相關字詞﹕城市論壇 人民力量 保衛香港運動 Emily Online