港珠澳大橋香港口岸工程54億元追加撥款申請，在立法會財委會審議近22小時後獲通過。財委會主席陳健波「剪布」，引起部分議員不滿，甚至衝出主席台。
陳健波被問及有人形容他粗暴「剪布」，他先長嘆一聲，續指感謝議員今日開8小時會議，又稱自己尊重議員提問權利，但「一方面要尊重權利，另一方面要確保會議公平、有效率、有秩序進行」，形容自己「在陽光下剪布」，已清楚向議員解釋。
他形容自己「咬緊牙關」解決事情，「如果樣樣嘢都係咁樣拉咁樣拖，搞破壞遠遠多過建設，其實無運行」，「千辛萬苦，卒之解決呢件事」。
問及為何只批准張超雄35條臨時動議中的5條，陳健波認為，「如果唔係拉咁多布，唔好搞咁多休會，我相信我會畀多啲佢」，認為議員浪費很多時間討論休會動議，「點解唔用嚟問嘢呢？點解唔用嚟做37a（臨時動議）呢？」
陳健波說，官員在會上回應提問答得不好，被記者質疑為何不給予多點時間討論，陳健波回應，「好想教下佢哋點答，答得好啲」，但要「面對現實」，「答唔到，如果有時間就繼續追，但如果去到今時今日，譬如聽日要同承建商傾，都係要做決定」，「佢（官員）都係答返嗰啲嘢，咁你又點呀，係咪可以否決呀？」
陳健波指，若議案不能通過，大橋並非不能通車，不過將來再申請撥款時「會更加多錢，令公帑有損失」。他又稱，連工務小組的會議已討論30小時，「咩標準嚟講都係相當長的時間」，自己認為會議「超過一半時間唔係問問題，搞休會、挑戰主席」是可惜，又稱自己會上遭受無憑無據、惡毒、不盡不實的攻擊，希望市民「唔好信晒」。
掌握最新消息，請Like「明報即時新聞」fb專頁！http://www.facebook.com/mingpaoinews
【做咩？】 短片+報道：http://bit.ly/1PLhrRI【短片：港珠澳橋】邱誠武多謝議員支持通過撥款 指延誤「唔係因為工業意外嗰所謂439日停工造成」 http://bit.ly/1PLkl8V#明報 #明報即時新聞 #財...由明報即時新聞貼上了 2016年1月30日