立法會大會審議版權修訂條例草案仍然處於膠着,繼早前商務及經濟發展局長蘇錦樑使出一招「雞脾打人牙骹軟」,喺會議室前廳請議員食糕點小吃,政務司長林鄭月娥今日下晝亦都去到前廳請議員食「三寶」,分別係蛋撻、燒肉同叉燒,又搵泛民議員傾兩句。
不過,有份拉布嘅人民力量陳偉業(大嚿),就似乎唔係好滿意啲食物,佢同Emily講,話咬過一啖燒肉,但覺得好淋,問「點食呀?」大嚿又引述林鄭,話對方同佢講「拉(布)還拉,拉到三月好喇」,覺得司長嘅底線,係想喺財政預算案前通過版權草案。另一邊廂,工聯會王國興就似乎唔係幾滿意有拉布議員領司長嘅意,語帶雙關批評有人「又食又拉」咁話。
曾經講過自己「一啲都唔清楚」草案內容嘅林鄭,之後見傳媒嗰陣,話今日落立法會係想同建制派打氣,喺前廳同泛民傾嘅議題亦只係圍繞會議議程,唔係傾草案內容咁話。
掌握最新消息,請Like「明報即時新聞」fb專頁!http://www.facebook.com/mingpaoinews
【搶答時段】李主席連記者問題都未問完,就急住疊聲回應。這種「搶答」情況,在今天記者會中屢次出現。報道:http://bit.ly/206ZXEa【李國章:學生作出非理性行為 因被「毒品」毒害】...Posted by 明報即時新聞 on Thursday, 28 January 2016