港大校委會噚晚舉行會議，逾兩百名學生同示威者喺校委會開會嘅大樓正門同停車場聚集包圍，要求新任校委會主席李國章同學生對話，結果搞到警方進入校園執法、凌晨一時李國章先走到，另一委員紀文鳳就不適，要坐救護車離開。咁其他屬於建制派嘅委員，其實又點走呢？
本身係立法會議員嘅校委會成員石禮謙同Emily講，佢喺未開完會、約夜晚7時50分就已經離開，係坐車走嘅，當時仲經過門外嘅學生添。
至於會唔會慰問李國章，石禮謙就話，對方「高高在上，唔使我關心啦」，但就會關心吓紀文鳳。
校委成員馮敬恩話，李國章主持會議好霸道，成日打斷人哋發言，但石禮謙就拒絕評論呢個講法，只係話自己唔再係校委會發言人，所以唔會講港大嘅事宜喇。
【是什麼原因造成？】學生對校方趁亂安排李國章離開感到失望，馬斐森就說：「你說你感到失望，我都感到失望……」報道：http://bit.ly/1OXLWOx【馮敬恩：梁智鴻開會自由奔放 李國章常「疊聲」講個人意見】...Posted by 明報即時新聞 on Tuesday, January 26, 2016