創新及科技局長楊偉雄早排出席創科論壇時爆出金句：「有邊個見過Steve Jobs？未呀？我見過！我真係見過！」連港鐵主席馬時亨都忍唔住「抽水」。港鐵今晚喺南港島線東段嘅海洋公園站搞傳媒燒烤晚宴，馬時亨話由於個站未正式啟用，可以在站內BBQ非常難得，「你同朋友講一定無人信，一定要影埋相擺上facebook，真係架，我真係去過架」。
馬時亨出名鍾意杯中物，今晚亦特別準備珍藏同傳媒分享。佢話枝酒係喺2014年民主黨嘅活動中拍賣返黎。佢講笑話，自己2013年係民主黨活動入面投過一幅假畫，劉慧卿當時仲要安排「退貨」。他說個枝酒特登留到今晚請大家飲，「如果大家飲完覺得係假嘅，我地就一齊搵民主黨算帳」。
馬時亨任職政府時，已經不時搞傳媒BBQ，「有人同我講，我揀親都係凍嘅日子先黎BBQ」。港鐵為咗幫記者們禦寒，都預備咗暖包同暖爐燈，不過仍然難敵低溫，唔少港鐵高層同記者都凍到騰騰震，仲反建議下次應該打邊爐比較和暖。
掌握最新消息，請Like「明報即時新聞 」fb專頁！http://www.facebook.com/mingpaoinews
【痛苦掩臉】林鄭臉部遭擲中，一度用手掩面，露出痛苦表情，又曾把眼鏡摘下。 報道：http://bit.ly/1lEPbSC【短片+多圖：退保諮詢】首場諮詢會遇示威 林鄭被撒溪錢撞到眼鏡 http://bit.ly/1lEPm01#明報...Posted by 明報即時新聞 on Saturday, January 23, 2016