即時港聞

【Emily Online】梁美芬看《十年》稱無真實感 游學修回應:依家香港更唔真實 游蕙禎去睇我更開心 (23:57)

經民聯立法會議員梁美芬噚晚喺facebook話,自己去睇咗近來受關注嘅電影《十年》,睇完之後Emily問佢觀後感,佢就話套戲比想像中政治化,又認為戲入面自焚一幕,同借機宣揚港獨太極端及危險,而戲入面提到將會有「小紅兵」,梁美芬就覺得用文革去講未來係好out,連內地拍戲講社會問題,都會用城管等,覺得無乜真實感。

有份喺戲中演出嘅游學修之前留言,話「欣賞你,芬芬。喜歡我戲中的反叛憤世形象嗎?等睇你的觀後感。」Emily於是問番游學修對梁美芬嘅觀後感有咩回應,佢話梁美芬應該唔知道網上有人改圖將《十年》戲名變咗做《今年》,寓意戲中類似情節其實已經喺今年逐一實現,「如果話套戲無乜真實感,我覺得依家嘅香港更加無真實感,套戲其實係超現實,超級現實,祝佢早日從平行時空回港。」

不過游學修仍然為「芬芬」有去捧場覺得驚訝同開心,「先唔理佢點解會想去睇,我覺得肯坐2小時呢個表現已經值得欣賞,更多謝佢出post宣傳」,不過佢就話「如果係游蕙禎去睇我會更開心」。

梁美芬話,佢自己都會有憂慮香港未來,例如年輕人會唔會走向暴力、過激咁,到時香港真係唔知點算。游學修就回應,話自己都擔心年輕人過激,但就「希望梁美芬會痛定思痛,一齊避免《十年》發生,為時未晚。」

【#游學修 點睇?】有參與戲中單元《自焚者》演出的游學修曾留言說:「欣賞你,芬芬。喜歡我戲中的反叛憤世形象嗎?等睇你的觀後感。」唔知聽完芬芬講,依家有咩睇法?-->梁美芬觀後感:http://bit.ly/1P50W0p【毛記電視分獎...

Posted by 明報即時新聞 on Wednesday, January 20, 2016

相關字詞﹕編輯推介 梁美芬 十年 游學修

上 / 下一篇新聞