何標記前員工、啟晴邨地盤主管陳小華下午出席鉛水聆訊作供時承認，打理啟晴邨地盤時，從無查閱有關批核焊料等物料的文件，直言「唔關安全同工程進度事就唔睇」，會交由何標記寫字樓職員處理。他甚至不知道一盒焊料的重量，惹來委員會主席陳慶偉法官質疑，「你唔知（一盒）係幾多綑定幾多磅，咁你點訂貨呀？」。
當被代表何標記的大律師楊明悌問到有否責任確保水喉物料合適時，陳小華多次指「物料係何標記供應嘅」，又透露他在港只訂購錫條送往內地有利華廠作預製組件，不過最終送往內地工地有錫線及錫條。
陳慶偉質疑陳小華為何知道貨品與訂購的不相乎，仍照送往內地。陳小華直言「成批貨送到嚟我哋就唔分」，被陳慶偉斥「你係公司最後一道防線呀嘛，係你決定乜嘢送上祖國」，認為尤其首次到內地預製組件理應「萬二分着緊」。
楊明悌其後引用一份註明為有利華廠訂購焊料的單據，指當時實際只有購入50力扁錫條，其他工程地盤則有購入錫條及錫線，質問陳小華為何會額外送錫線到內地，陳小華一度語塞，指公司收到多批貨品，「送乜嚟就用乜」，最終承認其做法有機會影響工程。
掌握最新消息，請Like「明報即時新聞」fb專頁！http://www.facebook.com/mingpaoinews
【林鄭點評】詳情：http://bit.ly/230YvC0【短片：施政答問會】陳偉業發問提「689」 曾鈺成打斷指不可冒犯http://bit.ly/230YyOt【短片】建制團體請願大喊「689，好特首！」...Posted by 明報即時新聞 on Thursday, January 14, 2016
相關字詞﹕鉛水聆訊