已報名參選立法會新界東補選嘅民建聯副主席周浩鼎，近日頻頻落區宣傳，佢今次就同黨友兼立法會議員陳克勤到北區開街站，之後更一齊食車仔麵「醫肚」，又上載相片去facebook展示「兄弟情」。
由相片見到，周浩鼎仍然喺度細嚼慢嚥滿滿嘅車仔麵時，陳克勤已經食到只淨番湯底。周浩鼎喺fb慨嘆話，陳克勤食嘢速度比幾年前快好多，「無他嘅，多謝點人數囉」。
青年民建聯亦有些牙呢張相，又批評話「流會點人數真是累人又累己」。
新界東補選下月底舉行，已報告參選嘅包括西貢區議員方國珊、公民黨楊岳橋、新思維黃成智；本土民主前線發言人梁天琦亦都宣布咗會參選。
掌握最新消息，請Like「明報即時新聞」fb專頁！ http://www.facebook.com/mingpaoinews
【一針見血】曾鈺成亦反駁指這不是個別人士的問題，「如果有問題的只是社會上『個別人士』，應不足以令香港和內地分割，妨礙香港進步吧？」報道：http://bit.ly/1SP6wWm【短片：自由黨方剛指施政報告「虛無縹緲」 田北俊：做畀中央睇...Posted by 明報即時新聞 on Wednesday, January 13, 2016
相關字詞﹕編輯推介 點人數 Emily Online