早前身體違和的「發叔」劉皇發,佢位公子、鄉議局主席劉業強月前為佢老人家買入一匹3歲愛爾蘭自購馬,如今已改名「龍船」,交由蔡約翰訓練。
根據資料,龍船早前在英國服役,去年7月首次上陣,至今共出賽3次,獲得冠亞季軍各一次,成績不俗。而且,其中一仗更係僅負英女王愛駒 Recorder幾個馬位,得第二,可謂雖敗猶榮。
而劉業強自己亦有新馬,係一匹澳洲自購新馬,取名「騂龍」,練馬師同樣是蔡約翰。
翻查資料:發叔父子對「龍」字可以話係情有獨鍾,因為不單止發叔之前已有兩匹愛駒用過「龍船」呢個名,今次係第三次用;而且,發叔名下亦另有兩匹良駒各命名為「龍船鼓響」及「驪龍」,可見,發叔對「龍」字嘅喜愛程度。
掌握最新消息,請Like「明報即時新聞」fb專頁! http://www.facebook.com/mingpaoinews