土木工程拓展署舉辦嘅「名繫啟德坊行人專用街道命名比賽」今日開始接受公眾報名，邀請市民為啟德坊入面10條行人專用街道提供「具創意」中文名嘅，新聞處亦喺佢哋facebook推廣呢個比賽。此post一出，即劇引來網民澎湃創意留言，你估吓佢哋諗到咩名？
獲得最多網民like嘅留言者諗咗「銅鑼灣五子喺邊道」，主題緊扣近日鬧得熱哄哄嘅銅鑼灣書店5名相關人士失蹤事件，留言者仲話自己已經「cap圖」，叫新聞處唔好「河蟹」佢。其他有關失蹤事件嘅提議仲包括「用自己方法黎（嚟）而（呢）道」、「李波知去左邊道」、「吳亮星北上大道」。
睇落大部分網民嘅提議都比較悲觀，例如「香港已經走上絕路」、「鉛水街」、「七警白逗人工又未判冇公道」、「豺狼當道」等等等等。仲有人提議話改「第三條跑道」，話建成後機管局可慳返1400百幾億！
啟德坊其實係位於啟德發展區的中心，土木署話係啟德發展計劃入面一個重要社區，鄰近未來車站廣場同啟德體育城，啟德河會貫穿其中。
呢個比賽分為公開組和學生組，宣傳海報仲寫咗有咩豐富獎項，公開組冠、亞和季軍分別可得1萬蚊、6000蚊同4000蚊獎金，而學生組冠、亞和季軍分別可得3000蚊、2000蚊同1000蚊獎金。截止報名日期係2月2日，詳情載於比賽網站（www.ktd-streetnaming.hk），大家又有無興趣參加呢？
掌握最新消息，請Like「明報即時新聞」fb專頁！http://www.facebook.com/mingpaoinews
【書面回應】李波妻子：對吳亮星的污衊，我保留法律追究責任。報道： http://bit.ly/1Z2X5Ch【書店5人失蹤】吳亮星「嫖妓論」 政圈流傳相似信息（附全文） http://bit.ly/1Z2KRtx【短片】吳亮星引「老...Posted by 明報即時新聞 on Tuesday, January 5, 2016