今日係冬至，按傳統大部分人都會返屋企同家人食飯做節，美國駐香港總領事夏千福（Clifford Hart）又再發揮親民本色，晚上喺facebook專頁上載相片，話自己今日都去咗街市買餸，夜晚仲同朋友打邊爐同燒烤晚飯，祝市民都有一個愉快溫馨嘅晚上。
夏千福喺fb話：「今日係冬至，我去街市買了隻雞，跟朋友打邊爐同燒烤，暖意融融！祝大家也有一個愉快溫馨的晚上！」佢同時上載咗幾張相，兩張係佢西裝骨骨咁走入香港地道街市買餸，另一張就係換咗牛仔褲嘅便裝，佢同朋友喺類似大排檔嘅地方打邊爐同燒烤，邊爐仲係炭爐兼瓦煲嗰隻，真係貫徹佢一向入鄉隨俗嘅風格！
有網民見到夏千福啲相，不禁話「簡直仲香港人過香港人」、「佢仲傳統過我阿媽」，又有一啲網民大讚夏千福「識食」，亦有人將佢同特首梁振英比較，話特首都未必敢單人匹馬落街市。
Emily都希望大家同夏千福一樣，都過咗一個開心又溫暖嘅冬至晚上啦！
掌握最新消息，請Like「明報即時新聞」fb專頁！http://www.facebook.com/mingpaoinews
【諗清諗楚】周永新提及在研究過程，發現政府思維落後，「覺得政府唯一關心既只有錢」，他強調，退休保障不是錢的問題，「係倫理、道德同社會融合既問題」，希望社會參與討論時考慮清楚....詳情+短片：http://bit.ly/1mfALsw...Posted by 明報即時新聞 on Tuesday, December 22, 2015