AIA歐陸嘉年華將會喺下月中開幕，除咗會有機動遊戲、攤位遊戲等之外，今年仲增設一架古典巴士「Auntie Nora」。
呢架模仿30年代開蓬巴士嘅Auntie Nora，喺11月初由歐陸嘉年華公司用六位數字金額向城巴投得，巴士入面已經拆走引擎。嘉年華公司正準備向運輸署申請，下月放返環保引擎入去。
不過，Auntie Nora喺嘉年華期間，暫時就唔接待乘客喇，因為載客巴士超過某個高度，又要再申請牌照。
Auntie Nora喺1964年倫敦生產，1986年來港，嘉年華公司睇中佢背後嘅歷史價值同意義，就投標再展出俾香港市民欣賞。想知更多Auntie Nora歷史嘅朋友，喺嘉年華期間會有展板介紹，嘉年華公司亦正同城巴商討，希望可以辦導賞團。
Auntie Nora完成咗嘉年華嘅展出任務後，會泊喺元朗一個儲藏室，再安排保育及教育等嘅工作。
今年嘅歐陸嘉年華將會喺12月17日開幕，直至明年2月21日結束，當中會推出32種機動遊戲，目前已有26種獲得機電署嘅批准，準備展開工程。嘉年華嘅成人門票收費為125元，包10個代幣，而3至11歲小童、65歲以上長者同傷殘人士，收費係90元，包7個代幣。
掌握最新消息，請Like「明報即時新聞」fb專頁！http://www.facebook.com/mingpaoinews
【好勁！】小編最驚訝的是用了逾2000次還可以再用，以前的膠袋質素真好∑(ﾟДﾟ)報道：http://bit.ly/1MYWdck【滑板車爆炸】剛購自深圳只玩過一次 事主心有餘悸不再買國貨：中國的始終會爆炸...Posted by 明報即時新聞 on Sunday, November 29, 2015
相關字詞﹕編輯推介 emily online 嘉年華