呢個年頭，人人都想搵份「荀工」，人人都希望「寓工作於娛樂」，有錢搵又有得玩，造就左近年風氣極盛既Working Holiday（工作假期）。今次網上百貨按需專送服務供應商honestbee，就推出一份只做一個月，但月薪就有1萬美元既「至筍工作假期」，仲要係去日本添！成功獲聘既話，將於2016年1月4日開始，至1月31日期間被派駐日本新雪谷擔任購物專員。
不過要成功突圍而出，成為兩個名額既其中一個，都唔容易架！因為應徵者首先需要年滿21歲，仲要係12月18日晚上11:59分或之前，拍一條約15秒既短片，上載到instagram同tag埋#WorldsCoolestJob，講下自己點解適合呢份工，Follow埋@honestbeejp專頁之餘；仲要鬥多like，因為最多like既頭十名應徵者先有面試既機會架！
相關字詞﹕編輯推介