世界盃外圍賽「港中大戰」晚上8時在旺角場上演，兩隊互有攻守，數度中柱中楣，但最終互交白卷0：0完場，港隊暫於C組7戰得14分排次席，中國則6戰11分排第3，是次平手後，兩隊出線2018世界盃的機會大減。
對於國足指，因為球證誤判，國足的入球才會無效，否則已全取3分。港隊門將葉鴻輝回應直指，「咁至於你話，球證係咪一個誤判，令到中國隊和波，贏唔到，咁其實我覺得，有時球證就係比賽一部分，你唔可以成日都因為個結果，而賴落球證或者賴落幸運，呢樣野如果你係有能力的話，呢啲外在因素，唔會影響到你囉！」
葉鴻輝又指，今仗國足帶來的威脅有限，不及上仗：「今場個波個威脅性，其實我覺得作客那場，他們帶俾我的威脅大啲，今場波唔計中柱中楣，埋門威脅只係得1個。」
【有片睇：氣氛高漲】捨不得離場吧～詳情＋短片：http://bit.ly/20Zvw0D【港中大戰】0：0賽和國足 球迷：香港隊勁揪http://bit.ly/1LjIM4x【短片：港中大戰】逾300人旺角公園仔睇波 警查問遭球迷...Posted by 明報即時新聞 on Tuesday, November 17, 2015