立法會新界東補選喺出年2月舉行，今日立法會一個委員會就討論相關安排，民建聯蔣麗芸喺會上話，收到市民投訴，覺得投票時間太長，由朝早7點半去到夜晚10點半，足足15小時，認為對市民、候選人、傳媒同工作人員都係「酷刑」，仲舉例話台灣都係朝8晚4，隨即問在場官員投票時間咁長，有無違反到基本法有關禁止酷刑嘅條文呢？
選舉事務處總選舉事務主任李柏康回應話，每個地方市民嘅生活模式都唔一樣，唔少香港人要朝早返工前去票站，或者夜晚放工後先投到票，過往立法會曾有同類討論，但認為這投票時間喺社會上已經得到大部分人士支持。
不過李柏康都承認，投票連點票維時超過20個鐘，對票站職員係一個大負擔，補充話任何議題都可以攞出嚟討論，選舉事務處對投票時間長短嘅建議，抱開放態度。
蔣麗芸之後同Emily講，話其實係有老人家同佢反映，話朝早投完票，但最快要到凌晨先知結果，覺得等得太耐。其黨友葉國謙就補鑊，話15個鐘投票時間唔係「酷刑」，相信蔣麗芸只係講笑，想將件事「形象化」。
掌握最新消息，請Like「明報即時新聞」fb專頁！http://www.facebook.com/mingpaoinews
【香港加油！】Kim Sir：我們知道明天要如何爭勝，也會盡全力爭勝。 報道：http://bit.ly/1lr92oU （關注體壇 讚好 明報體育MingpaoSports！）【國足指「歸化兵」不足為懼 保連奴： 為香港球迷展現...Posted by 明報即時新聞 on Monday, November 16, 2015