今年踏入10周年的迪士尼，剛宣布完加價，今日即推優惠吸客，第一次推出4人樂遊聖誕套票，除開每人入場費平均404元，比新票價539元平足四分一，算打了七五折，呢個優惠，仲係港人獨有添！
新套票以外，迪士尼還推出新音樂劇「迪士尼魔法書房」，Emily今日率先同一班傳媒朋友去欣賞，整個音樂劇長28分鐘，演員嚟自英國、泰國等10個國家，本地薑就約有3至4個。除咗大熱嘅魔雪奇緣，仲有經典嘅小魚仙同阿拉丁等，勾起Emily唔少童年回憶，其中有幕更加有現場演奏小喇叭同埋軟骨功表演。
迪士尼樂園娛樂表演總監周偉強話，淨係翻譯劇本，都用咗成2個月時間，對白仲加入唔少廣東話添！例如將「sir」翻譯成「阿叔」，將「butt」翻譯成「pat pat」。不過演員講廣東話時，字幕仍得英文同簡體中文，周偉強話聽得明廣東話嘅，應該唔洗睇字幕。
掌握最新消息，請Like「明報即時新聞」fb專頁！http://www.facebook.com/mingpaoinews
【唔通搞錯咗.......？】詳情：http://bit.ly/1lqRV6t【林鄭讚港擁郊野公園等值得欣賞 自言土生土長心存感恩】http://bit.ly/1lqRZmO#明報 #明報即時新聞 #林鄭 #陳健波...Posted by 明報即時新聞 on Sunday, November 15, 2015
相關字詞﹕迪士尼