距離區選不足9日，各區候選人加緊召集義工迎戰。其中屯門樂翠選區，候選人有民主黨何俊仁以及前律師會會長何君堯、熱血公民鄭松泰等6人混戰，選情打得火熱。
Emily聽聞，何君堯搵來嘅助選團好犀利，唔單止以人數取勝，仲好有紀律，4人一組，每兩三個鐘換一更，猶如返工，非常勤力。但有街坊發現，呢個義工團中，有一個操普通話、約50歲嘅內地人士，喺幾個月前開始，已著住助選團嘅藍色小背心，長時間幫手派傳單，皆因為佢唔識講廣東話，令街坊印象深刻。
不過今日就發生小風波，正當何君堯助選團晨早8點幾擺街站拉票時，有幾位入境處職員突然現身，將呢位內地義工帶走調查。事後入境處回覆Emily話，經了解事件，未發現有人觸犯相關入境條例，所以已放咗呢位男子。
虛驚一場，但Emily都幾好奇，何君堯魅力過人，竟有持雙程證嘅內地人士願意山長水遠，跨境助選，相信佢一定係何嘅忠實粉絲喇。Emily打過畀何君堯，佢截稿前未有回覆，未知兩人關係。
屯門樂翠區候選人還有阮偉忠、張永偉、沈錦添。
掌握最新消息，請Like「明報即時新聞」fb專頁！ http://www.facebook.com/mingpaoinews
【又係歧視？】辯方求情稱，去年才定居香港，一家三口現靠綜援生活，被告仍在適應香港的環境和生活，感到受歧視才會衝動犯案。報道：http://goo.gl/9myQtF【內地富二代駕跑車闖關入境案押後審 被告反對無果被還押精神病院】...Posted by 明報即時新聞 on 2015年11月13日
相關字詞﹕編輯推介 何君堯 區議會 emily online