即時港聞

【emily online】曾鈺成為新民黨候選人站台 葉太三個骨褲現身 (18:52)

區議會選舉候選人做宣傳活動嘅時候,有乜嘢高興得過得到自己黨主席幫手站台,仲要加埋立法會主席助選?今朝返工時間,落住毛毛雨,立法會主席曾鈺成竟幫新民黨康山選區候選人江玉歡助選,新民黨主席葉劉淑儀就穿上三個骨褲現身,天氣咁差但得到兩位嘅支持,江玉歡認真有面。

本身係律師的江玉歡向Emily話,曾鈺成同葉太今朝企咗超過一個鐘,叫口號助選,兩個之後都有同佢講加油,佢形容係對自己同競選團隊嘅鼓舞。佢透露,今個月競選團隊得到葉太首肯下,主動接觸同邀請民建聯曾鈺成助選,曾鈺成好快答應咗。至於係咩原因令曾主席肯幫手跨黨派助選?江玉歡相信係對方支持有心服務社會嘅人咁話。

有幸得到曾鈺成站台,江玉歡就唔想揣測會唔會增加勝算,但話曾主席喺港島受歡迎,希望對方幫自己站台,可以有利自己選情。葉太就話,好多街坊見到曾鈺成親臨康山,「驚訝又雀躍」。有民建聯中人話,曾主席有時幫下建制派站台,亦唔係未見過,叫大家不用太大反應。

江玉歡同區對手為公民黨梁兆新。

掌握最新消息,請Like「明報即時新聞」fb專頁! http://www.facebook.com/mingpaoinews

【男女之別】兩大黨的主席說,家庭是女性參政的障礙,除非家人放棄傳統思想,才可以鼓勵更多女性從政......報道﹕http://bit.ly/1OHoZUg【online區選系列﹕點解你要選?】(全部有片!)【年輕OL挑戰梁美芬 「我...

Posted by 明報偵查報道 on Thursday, 12 November 2015

相關字詞﹕編輯推介 曾鈺成 葉劉淑儀

上 / 下一篇新聞