創科局撥款一如所料今日喺立法會財委會上獲通過，雖然主席陳健波最後強行「剪布」，引來黃毓民粗口指罵，更一度企上會議枱，但最後都算有驚無險完成工作。
做完4個鐘財會，一共收到226項臨時動議，處理了當中的22項，Emily問陳健波感覺如何，他就大呻「超辛苦」，但作為主席，都要冷靜處理，仲話收工之後第一件事係最想返屋企瞓覺。
波叔講規程所寫的「無需預告」，當然唔係是提出大量議案，「但大家都睇到，(拉布議員提出)200幾項，睇都睇唔切」，所以會議期間休息咗2次，佢仲形容「壓力是非常之大」。對於剪布通過成立創科局，波叔強調自己用咗最大誠意及善意處理，「希望議員明白我真的作為主席要公平公正」，又指自己緊跟議程規則，係「合情合法合理」。
其實做財委會主席除咗要主持大局，波叔事前都做咗唔少功夫。Emily發現，佢連喺開緊內委會時，都準備緊接住落嚟嘅財委會講稿，旁邊仲放咗一堆有關創科局嘅文件。
為咗令會議可以更順利進行，波叔今日開財會前，又特意敲門拜訪人民力量議員，希望同對方再講清楚處理原則。對於人力話明日後會繼續拉布抗爭，咁點算？波叔就話，希望佢哋瞓個好覺，第二日恢復平靜，而自己只有一招應對，就是加強溝通，早作準備。 掌握最新消息，請Like「明報即時新聞」fb專頁！ http://www.facebook.com/mingpaoinews
【農務男】政壇潮興料理農務，可惜香港農地漸少，種米都要喺禮賓府先有地。報道： http://bit.ly/1LSDnoV【未回應女兒摑媽媽 梁振英fb續貼種米圖 】http://bit.ly/1N4Oadd#明報 #明報即時新聞...
Posted by 明報即時新聞 on 2015年11月6日