立法會今朝又因人數不足而流會，本來呢件唔係好事，但政務司長林鄭月娥就自爆『喜出望外』，原因係可以去佢到心愛嘅海洋公園出席新水上樂園動工禮同致辭！
林鄭係致辭時話，自己今日要出席立法會會議，所以朝早10點鐘之前都仍然以為無辦法去海洋公園架啦，「就算議員唔拉布，都會歷時5至6小時嘅辯論」，所以一早委託咗商務及經濟發展局長蘇錦樑「代班」。點知今早嘅立法會因人數不足而流會，林鄭好坦白咁話：「（流會）一般會失望，但今次我係『喜出望外』，因為可以嚟到心愛嘅海洋公園。」不過，司長又隨即補多句，話呢個係「個人立場」，「特區政府嘅立場仍然係表示失望」。
林鄭仲話，海洋公園係港人美好嘅集體回憶，期望新水上樂園可以提升海洋公園吸引力同本港嘅旅客接待能力，鞏固區內家庭旅遊嘅首選地位。
握最新消息，請Like「明報即時新聞」fb專頁！http://www.facebook.com/mingpaoinews
【好臭！！】根據突發記者經驗，應該會係好大陣屍臭味，諗起都心寒呀！(小記喺突發現場發殮房都試過聞到臭味，但如果返到office都聞到，可能會以為自己撞鬼......)報道：http://bit.ly/1Q6vfFl【《香港01》辦公室...Posted by 明報即時新聞 on 2015年11月4日