愈來愈多政界人物開Facebook同網民分享生活點滴，連特首梁振英近來都「開齋」了，立即引來關注，不過暫時佢個fb冇對外開放留言功能；被問到係咪怕太多負評，CY就笑住話「仲學緊，一步步做啦」。Emily就覺得特首可以向立法會議員田北俊（田少）請教一下，與網民互動心得。
田少琴晚係fb留言話，佢嘅專頁管理員「田毛毛」要求加人工，如果唔加，佢就過檔做「超然毛毛」，「反正嗰邊人工肯定高，又一定無乜野做。梗係啦，留言都唔畀」。咦，田少此言係咪話緊唔開放留言功能的特首fb呢？
不少網民大讚田少「靚抽」，紛紛留言幫「田毛毛」爭取加薪，「高薪養廉嘛」，又有人話「佢梗係唔畀留言啦，一畀咗，即刻全港當佢名E茂咁問候，5分鐘洗版」。
掌握最新消息，請Like「明報即時新聞」fb專頁！http://www.facebook.com/mingpaoinews
【當事人開腔】陳文敏：令人難以相信不是出於司馬昭之心詳情：http://bit.ly/1N7aCXB【李國章：光明正大 說話正確有道理 沒有尷尬】http://bit.ly/1N7aOpI#明報 #明報即時新聞 #港大校委會 #...
Posted by 明報即時新聞 on 2015年10月28日
相關字詞﹕編輯推介